Home / Business / Artis Oswald New Album

Artis Oswald New Album

Evolye nan mizik an Frans se pa yon jwèt paske mache sa difisil anpil dayè pa gen anpil atis  Ayisyen ki fè siksè pandan lontan la. Men travay ak detèminasyon se gwo zam ki ka edew rann tach sa pi fasil.

Oswald Clerveus nou souvan rele Oswald, jèn atis sa ki gen 31 lane se yon jèn jan nou konnenl deja ki boure ak talan, li pa chita sou talanl sèlman pou li pèse mache a men li travay anpil pou li fè wout siksèl. Yonn nan estrateji li itilize se pote divès enfliyans mizikal tankou yon melanj ant zouk ak konpa epi yon ti enèji soca yonn nan fòm mizik ki gen nan karayib la pou raple St Martin ki se lakay li tou.

 Malgre kowona ap fè ravaj sitou kote lap evolye a sa pa anpeche atis la ap travay sou albòm li ki gen pou soti an avril kap vini la si pa gen okenn enkonvenyan. Chantè a pa ekate tou posiblite pou fè yon kout pye an Ayiti nan mwa me ou jen pou prezante nouvo pwojè sila. Yon albòm kap pote pou tout moun paske li gen tout enfliyans sou li. “Option”, se non albòm sa pou di gen opsyon mizik pou tout moun, ap gen 15 mòso sou li daprè sa Oswald di nou.

Sou album sa nap jwenn J-perry ki se nèg lakay, Stony ki chante deja ak Oswald yon mizik ki rele “t’en aller” ak Sael ki chante “tchenbe rèd pa moli” se 2 matiniken ak yon lot atis Oswald sere kòm sipriz pou fanatik li yo. Yon repètwa ase laj kap pote pou pi piti 2h plezi. 

Pou kounya atis la gen djaz li ki se Oswald Band, li reyalize gen plis sansasyon ak enèji ant li menm ak piblik li lè lap jwe ak tout band li, ni li ni piblik la pran plis plezi ke lè lap jwe playback. Djaz la pase soti 4 mizisyen pou rive 7 pou kounya, apre chantè a ki se Oswald gen: Tanbourinè guitaris, kibòdis, batè, Clochis ak basis.

Malgre yon repètwa ki deja gen yon santèn mizik, Oswald fenk kòmanse travay paske se yon pasyon li gen pou mizik depi laj 10 lane dapre pawòl li.

 « Pouw fè siksè ou swete a fòk ou pa janm bouke travay » se deviz atis la.

About nuvibemagazine

nuvibemagazine

Check Also

Tompa Bay is now the new Tampa bay

TAMPA, Fla. — Eleven months ago, it was inconceivable that quarterback Tom Brady would choose, of all ...

Leave a Reply

Your email address will not be published. Required fields are marked *